湖人今季常規賽基本上已經完事，但因為目前傷兵滿營，令到本來諗住長唞嘅控衞尼殊（圖）被迫提早復出，喺上星期五對巫師場波落場，結果打到第4節唔舒服要被換走。事後尼殊話，復出打呢場比賽可能好儍仔，但自己真心想打波，所以教練迪安東尼問佢可唔可以今場復出，佢冇托手踭。星期日對魔術嘅比賽，大家都有望見到尼殊嘅場上英姿㗎。