巴黎聖日耳門喺上個星期五嘅法甲，作客1:0小勝羅連安特，聯賽6連勝之餘，喺榜首亦遙遙領先次席嘅摩納哥，衞冕形勢非常樂觀。主力射手伊巴謙莫域踢足全場，賽後仲俾瘋狂粉絲衝落球場攞波衫，呢名球迷唔係走去伊巴面前，而係施展一記飛鏟埋身，不過伊巴依然表現得好淡定，亦隨即將身上嘅波衫送咗畀呢位狂迷，之後兩人仲嚟咗個擁抱兼錫咗啖㖭（圖）。