【玩味十足】
在互聯網尚未普及的年代，傳統的噴漆塗鴉就是最簡便的公共平台，往往被邊緣者用作政治宣言，抗爭味濃；反之，英文喚作Yarn Bombing的針織塗鴉，卻「溫柔」得多，被視作美化城市的生活藝術。事實上，這種另類街頭藝術源自美國，其後席捲歐洲，包括巴黎多個藝術區，由水龍頭、燈柱、欄杆，甚至樹和雕像，都被藝術家圍上七彩毛冷，玩味十足。
牽動人與人交流
塗鴉世界，有自己的一個江湖，看到食鬼，會想起Space Invaders；見到蘑菇，則會想到Billie，就如城市閃現的「幽靈」。
Billie直言，香港人很抑壓，在街上鮮與陌生人搭訕，但自她決心在城市不同角落「栽種」七彩蘑菇，卻體現到「互動」的樂趣。「試過喺天后廟，剩番連住欄杆嘅冷塊，點知過咗兩日，上面竟然有人勾咗粒新嘅蘑菇上去；又試過有人喺街執到粒掉咗喺街嘅磨菇，專登送番上嚟……我冇諗過原來有人留意，仲咁珍惜，嗰一剎那，真係覺得好感動」。一粒粒看似不起眼的小蘑菇，在某的角落，也在影響着某些人。誰說蘑菇無用？
《蘋果》記者