韓星襲地球已經係鐵一般嘅事實，地球人唔想反抗之餘，仲深深著迷。不過正所謂物極就必反，早前有內地報道，有傳有一位13歲女中學生因為太沉迷韓星，經常同屋企人爭執，最後仲變為倫常慘案。
早前喺北京，該名女中學生因為喺屋企搵唔到鉛筆刨而亂掟嘢發脾氣，與父親爭執，父親開口責備，鬧女兒沉迷上網又追星EXO，更多次發脾氣將電腦同手機掟爛，但少女就駁嘴話：「我就愛明星，比愛父母強，明星就是比你們好!」結果父親惱羞成怒，用菜刀將女兒斬傷，再割脈意圖自殺。醫生於現場指少女已當場死亡，而41歲的父親則被送往醫院，本月被北京市檢察院第二法院起訴故意殺人罪。