記者協會前主席麥燕庭（Mak姐），1980年入讀樹仁新聞系，四年來覺得鍾校長管教太過「家長式」，當年即使公開張貼一張學生活動通告，也需校長批准，「嗰時覺得佢太嚴、管得太死」，期望學校對學生多點信任，「（校長）放手多啲，我相信學生對學校生活嘅懷緬會多啲，𠵱家只記得返學放學交功課……係少咗份大學應有嘅自由空氣」。
校長喜歡巡課堂，身材矮小的鍾期榮會在窗外踮起腳，越過圍牆看同學上課。
有次學生太頑皮，Mak姐憶述校長當時立刻嚴正地說：「樹仁喺社會上已經冇乜人認識，要靠我哋嘅真材實學，要打拼，第時喺社會上要有好嘅表現。」鍾說罷即熱淚盈眶。
Mak姐憶述：「我當時覺得，吓，話晒都係中國第一個女法官，仲係校長喎，咁易喊嘅？」後來知道鍾期榮校長為人真性情，「有啲同佢熟嘅朋友，成日袋住條手巾仔畀校長（抹眼淚）。」