溜馬季中引入自由身中鋒拜林(圖)以為執到寶,不過佢傷患纏身加上麻煩多多,始終作用有限;溜馬官方就發聲明,話拜林因為膝部積水,已無限期休戰,好大機會提早收咧㖭。26歲嘅拜林之前已經俾舊球會76人同騎士唱佢唔專業,但過檔溜馬都冇好轉,話說上周五主場對公牛半場期間,冇份落場嘅拜林就請髮型師特登去更衣室幫佢剪髮,仲懶威咁上載去個人社交網站,隊友打生打死佢就風流快活,難怪神憎鬼厭。