【本報訊】都說，今日的香港變得越來越陌生，有人嚷着離開、有人用手腳捍衞價值觀。手作達人吳斯翹（Billie Ng），就選擇以溫暖的七彩毛冷包圍這個城市，「我想用最溫柔嘅方式圍城，令佢變得更靚」。在銅鑼灣的街角、炮台山的暗巷，由她一針一線編織出的小蘑菇，生長在佈滿鐵銹的冰冷水管之上。另類塗鴉充滿城市驚喜，「見到，笑一笑，就很好」。像無聲祝福，溫暖着正在下沉的都市。
記者：呂麗嬋
早前，Space Invaders的經典食鬼塗鴉被鏟走，掀起熱談。上載圖片，一手引爆事件的Billie說：「迴響咁大，要拜Space Invaders嘅名氣所賜；當然，今時今日政府民望咁低，任何對佢嘅批評，都會一呼百應。」架着大圓黑框眼鏡的Billie，心水最清。
4As創作總監追夢辭職
在炮台山經營樓上手作小店的Billie在藝術圈薄有名氣，也是廣告界紅人，創作過國泰廣告系列，麥當勞經典廣告歌i'm lovin' it，有份填詞。30出頭，位至4As廣告公司創作總監，但她卻選擇在高峯時辭職。她笑言絕非「搵夠」，之所以急流勇退，只因某天一覺醒來，忍不住問自己：究竟想過怎樣的生活？
「做我哋呢行，咁上下就要升上去，唔係其他人就會爬你頭，但到咗某個位置，你就只係做總監，唔再係做創作」。厭倦朝9晚11的生活，工作欠滿足感，又不愛管人，一咬牙，決定用工作10年存下的積蓄開夢想小店，寄賣手作小物娛己娛人，「最壞打算係用兩年時間，花盡積蓄，大不了重操故業」。走出熟悉的安全地帶，她信另有天地。
「小店其實好閒散，識咗幾個志同道合嘅朋友係最大收穫，開吓手作班；有時就同商業機構合作，搞吓活動」。儘管收入大不如前，倒也輕鬆自在。去年，美國針織塗鴉大師Magda Sayeg訪港，主辦機構找她協力，無心插柳，卻為她開啟了另一扇門，「呢種塗鴉喺歐美叫grandma graffiti，意謂祖母都可以玩嘅街頭藝術，小至欄杆，大至水龍頭、電話亭，都可以用七彩毛冷包圍」。
自此，Billie與朋友迷上這種只在歐美流行的街頭藝術，「講織嘢，我嘅parter叻過我好多，佢大學讀數學，計針數最耍家，中環同上環嗰啲七彩欄杆都係佢傑作」。鬆散隨意的「針織三人組」，由最初「上街」要人壯膽，幾個人圍着一條欄杆猛織，到習以為常，一個人行動，體驗到街頭藝術的價值。
只盼別人看見笑一笑
「街頭創作係有趣嘅經驗，外國遊客見到，會大叫：well done、amazing，好少問問題；但本地人唔同，佢哋多數會問同一堆問題：落雨整污穢咁點算？織得咁靚你唔怕其他人攞咗去咩？你咁做會唔會犯法㗎？驚唔驚警察拉你？」Billie說港人很多憂慮，「越嚟越唔快樂，只因覺得活喺一個不屬於自己嘅地方」。
聖誕節時，她用冷針勾了棵小聖誕樹，悄悄放在暗巷冰冷水管上，像沙漠的一朵鮮花。上月連綿春雨，她帶着最愛的手作蘑菇，由銅鑼灣徒步到炮台山，沿路「栽種」，給城市一點異色；營役的生活，顯得沒那麼沉悶。「好多人想成為大樹，我卻希望活得像蘑菇，有基本養份、適合嘅土壤，就可生存」，她說：「若你見到街上的小蘑菇，可以笑一笑，就很好。」Billie用最愛的蘑菇守護城市，希望它變得更美好。