混血女模Rosemary跟拍拖四年多的中印混血男友Jason訂婚了。前晚穿着藍色bra top透視裝的Rosemary在觀塘ABSOLUT派對上，拖着男友一齊到場，訪問其間被發現左手無名指戴着一隻閃閃鑽石戒指，被問到是否秘婚？她故作神秘用英文說：「I can't answer！」之後她又甜笑承認已訂婚，並說：「我男友嘅性格同為人都好低調，所以成件事都只係雙方親戚朋友知。」至於手上的鑽戒，Rosemary不肯透露有幾多卡：「我自己知，唔會講，男友係專登去訂做。」
連詩雅醉爆瘀事
Rosemary表示求婚過程充滿驚喜，她說：「絕對係非常驚喜，舊年我跑長城馬拉松嗰時求婚，當日係5月18日。」原來相隔一年之多，會否計劃今年拉埋天窗？Rosemary說：「有計劃，但係未confirm，未知係咪今年，男友有好多project，我又剛剛開始自己嘅生意，𠵱家覺得好sweet。」
另外，傅嘉莉（Kelly）在現場為兩師弟手臂畫彩繪，Kelly說：「最初係叫我喺佢哋心口畫，但係我怕醜。」Kelly被問到會不會畫愛的紋身，她說：「有諗過，但係做model難啲，自己要着泳衣行騷，而紋私密嘅部位係好痛。」連詩雅則在派對上自爆瘀事，年頭在周柏豪演唱會慶功，醉酒撞瘀腳。
採訪：藍文浩
攝影：陳俊強
