趣趣地:大儍爆莫耶斯瘀事

趣趣地:
大儍爆莫耶斯瘀事

今時今日嘅曼聯作客鬥韋斯咸,場波可觀性有幾高已經冇人敢講,不過韋咸領隊艾拿迪斯(大儍)嘅賽前口水戰就贏晒喇。大儍爆料,話佢以前做青年軍教練,喺93年去鄧弗姆林考察過現任曼聯領隊莫耶斯,仲見證住佢喺上半場已經犯手球攞紅牌出場,認真搞笑。不過,雖然當日莫耶斯踢得嗰38分鐘咁大把,大Sam已經覺得佢終非池中物,介紹咗佢去當時英丙嘅普雷斯頓踢波。