【主動解畫】
撤資與否，已成為近期長和系記者會上的必然話題。昨日記者會甫開始，和黃（013）主席李嘉誠即主動提到「年青（輕）人要有是非感」，強調長和系屬國際性企業，沒有香港、外地之分，「我唔可以每一次都解釋，希望呢次講得好清楚，我賣嘢並冇分香港嘢、外國嘢」。
他舉例，「8號碼頭其實唔夠兩年前買入，但係對方有好提議，雖然賣咗60%，亦都有很多生意自動增加」。李嘉誠指，不希望再就賣資產解畫，希望市場不要再說集團撤資，「以後唔好再因為撤資問題，成為笑話」。
睇啱價會再賣資產
他又再次強調，自己很愛香港，「賺少咗都係香港投資」。不過，由於香港僅得700萬人口，去年和黃全球收入4,000億元，「香港冇法子做到咁大」。他補充，只要價錢好，未來仍有可能出售資產，「又唔係古董，睇啱價錢實會考慮」。
不少聲音指，以李嘉誠為首的「地產霸權」影響生活，他表示「你哋成日鬧周圍都係李氏嘅，我縮細啲（出售屈臣氏）係啱嘅」。記者再追問他是否想借派息「塞住人把口」，李嘉誠笑言：「用400幾億（去塞住人把口），冇咁笨呀！」
對於指摘，李嘉誠指「我做咗咁多年生意乜都睇過，如果報紙唔攻擊你，銷量冇咁好，所以我一直抱有好大嘅原諒」。他又引用詩句指「如果世界無不平事，應該滄海不興波」。