【本報訊】餐飲聯業協會會長黃家和指，洗碗工人月薪約1.1至1.2萬元，但食肆普遍難請人。他認為洗碗工場大戰乃業界佳音，「請洗碗工難，工場可以幫我地慳返啲成本，唔使自己請自己管」。
競爭者眾，質素參差在所難免。他提醒食肆，挑選工場時應注意衞生情況及物流配套，「送貨時間要掌握得好，一混亂對食肆影響好大！」
分店於荃灣跟屯門的祥興記上海生煎包（圖）樂見洗碗工場普及。負責人方梓榆稱，店舖曾以月薪一萬元聘洗碗工，雖比洗碗工場便宜，但效果卻差強人意，「廚房好細，企個人喺度好麻煩，佢病咗又要搵人頂，心情唔好，又影響工作」。方表示，即將開業的第三分店仍會光顧洗碗工場。