【成績驕人】
2000年才開始跑馬拉松，潘永成起步得比別人遲，但成績絕不比人差，03年獲當時所屬跑會資助，到仍未改名首爾的漢城，在外國跑人生第一次全馬；翌年在澳門，就跑出2小時38分上佳成績，僅次非洲跑手，成為華人第一。不過，對於被香港人引為城中盛事的渣打馬拉松，他卻直言只達合格水平，距離國際馬拉松的水準太遠。
「我好多年都冇再喺香港跑馬拉松，今年因陪學生先跑番。撇除開賽時間同賽道，港馬喺籌劃上仍大有進步空間」。潘sir說得厚道，但就舉了個例子，「我參加嘅韓國馬拉松，十年前已經沿路都係打氣團、氣氛超好，最貼心係你一抽筋，就有踩住roller嘅工作人員衝過嚟幫你按摩，呢啲，咁多年嚟我從未喺渣馬見過！」
《蘋果》記者