【本報訊】洗碗工請人難，洗碗工場如雨後春筍般湧現，最近連地產商信和集團也加入戰團。兩位高學歷後生女──鄧恩兒（Michelle）與時景怡（Ann），半年前開設洗碗工場。她們欠缺如大集團的資金，因此除了搬搬抬抬送碗碟外，更要落手洗，「咁樣先知，點洗出嚟會最靚！」昔日的OL，如今穿上圍裙，為客戶洗洗刷刷。
記者：潘婉玲
洗碗一向被視為厭惡性工作，兩位有學識、有資本的後生女，卻偏躲進工場，天天聞着廚餘的「酸餿」味，似乎有點自虐！「個idea係佢諗先㗎！」Michelle笑看身旁的拍檔Ann，「知道會辛苦，但唔知會咁辛苦」。
不覺得屈就
工作地點由現代化的數碼港變成老舊的火炭工業區，粗重工夫一肩挑。訪問當天，Ann跟員工蹲在洗碗機旁，說着記者聽不懂的術語，「𠵱家要我拆開再砌返都得」。今天說來得意，開業初期實挫折連連。請人難、又得兼任運輸，親自把洗淨的碗碟送回給客戶，「第一次推板車，喺條街中間塌晒落嚟，成街都係，又要執返去工場洗！」
英國名校伯明翰大學工商管理碩士（MBA）Ann和留學加拿大，主修經濟的Michelle原從市場推廣，相識逾十年，半年前，合資過百萬，由同事變成生意夥伴。
二、三千呎的工場，一部大型洗碗機，6名工人，每天朝九晚七工作，處理逾萬碗碟。Ann在家不做家務，當老闆卻要紆尊降貴，除了運輸，偶爾也兼任洗碗。你說她屈就？當事人卻不以為然，2008年，Ann曾與友合夥開cafe，3年後不歡而散，「嗰時做緊嘢，投資咗自己無打理，力不到不為財嘛！」
從天之驕女變身「洗碗阿姐」，家人雖沒反對，卻也愛莫能助，Ann說：「我媽年紀較大，佢話『你唔好諗我會幫到你！』」
要提防卧底
全港大大小小的洗碗工場現有數十間，同業競爭越趨激烈。Ann坦言，除面對同行割價頂爛市，更要提防卧底。
洗碗工場負責人以男性居多，二人揚言，期望以女性細心和過往工作經驗殺出一條血路。「唔係洗完就算咁簡單，會幫個客做埋marketing」。
工場有近20個客戶，包括連鎖西餐廳，快將達收支平衡，Michelle期望於年底增設工場。