天津港發展（3382）現價（1.14元）較2007年高位9.7元大插水近90%，同2008金融海嘯價差冇幾，係壓實咗嘅彈弓，一放手，不得了，買天津港博中線大茶飯！
上月尾，國家主席習近平提出重大國家戰略「京津協同」，將天津市擺到同首都北京等齊地位。《亞洲週刊》記者兼留意到，央視以「破天荒」7分14秒咁長時間，報道呢壇消息。京津協同，成為新一任領導層重中之中嘅「一號文件」！
諗到嘅係，天津有阿爺祝福，唔使好耐，一獲確立為自貿區，天津市經濟發展，會一日千里，而天津港作為市內唯一港口旗艦，以及祖國重要港口，肯定有運行。
天津港單係上年上半年，純利4.2億銀，已經講緊係2008年海嘯期全年純利1.3億銀嘅3倍！又由2008年打後，天津港純利一路升，兼去到2012年度7億銀，交足功課。
市場專業評估，天津港今年純利8.6億銀，得番8倍PE。又天津港喺呢個金融海嘯價嘅PB，得0.67倍。祖國行家唐山港、寧波港及天津港旗下A股天津港股份，全部1倍樓上。要考慮埋，天津市就快升格自貿區，地位優越，天津港PB冇理由殘成咁。天津港PB上到行家1倍水位，坐底要翻近半番到1.7元。
自貿區概念 睇4.27元
講明博大茶飯，目標翻半番，算係乜？審時度勢，今年阿爺調控，格局似足1994年當時鐵面朱總宏調；結果係，1995年阿爺放手，兼引爆紅籌國企大熱，資金市一嚟料，就好似家陣科網股咁，唔理基本面，炒到開巷。
趁市場唾棄舊經濟股，好收集，以天津港彈返對上七年跌幅嘅一半水位，講緊係要見4.27元，現價升幅2.7倍。
錢雋
細價股專家
本欄逢周二、五刊出