路易十三（577）聯席主席洪永時（Stephen）早前喺中環街頭大晒佢部「土豪金」林寶堅尼，潮爆中環，佢位墨西哥籍模特兒老婆Deborah唔執輸，亦要晒一晒佢部超搶眼嘅粉紅色勞斯萊斯。
華華噚日下晝3點左右，喺中環文華酒店對面見到呢部顏色搶眼嘅勞斯萊斯，呢部車亦成功吸引唔少途人駐足觀看同影相。
翻查資料，Deborah呢部勞斯萊斯屬於幻影加長版，落地僅三個多月，車價連稅近千萬。Deborah似乎對粉紅色情有獨鍾，佢對上一架車就係粉紅色嘅法拉利。
Deborah有跑車唔揸，轉坐勞斯萊斯，唔知係咪想同老公坐「情侶車」，皆因Stephen都有部勞斯萊斯，顏色算係低調少少嘅黃色溝白色。