警務處處長曾偉雄成日語出驚人，先係喺劉進圖被斬六刀事件中，喺「破案」後即刻話無直接證據顯示事件同新聞工作有關；其後警察又喺中西區區議會，抬走白鴿仔許智峯，就話係維持社會安寧；至於乜嘢係社會安寧呢，曾偉雄就反叫市民返去問法律顧問喎。四名南區區議會嘅白鴿仔，包括羅健熙、區諾軒、柴文瀚同徐遠華，噚日趁住禿鷹出席南區區議會，都揮筆寫下一個「服」字，送畀禿鷹諷刺一番。佢哋仲希望警方可以考慮搬遷黃竹坑警校，騰出塊地用嚟發展住宅。