香江第一才子陶傑初試牛刀，拍攝以文藝包裝色慾的電影《愛．尋．迷》，由熟女羅霖和新人盛朗熙擔綱。首次做導演，陶傑帶兩女上節目《亂噏24》時大吐苦水，認為壓力大之餘，過程亦不好受，唯一好處是跟「高登女神」羅霖近距離接觸，他笑說：「驗過晒全部係真喎！」節目足本版逢周四晚上11時播出，讀者可在 http://bit.ly/appletalk24重溫。
撰文：馮國康、Sidekick
節目甫開始，蔡瀾便跟陶傑開玩笑：「導演！」事緣陶傑拍攝的首部電影《愛．尋．迷》將上映，蔡瀾對於多年好友踩過界做導演感到不可思議。黎智英（肥佬黎）問陶傑做導演是否童年夢想？陶傑答：「呢幾年好多人都膽粗粗問我，叫我導套戲呀編劇咁，我話唔好啦，攞苦嚟辛，倪匡話一世人千祈唔好做導演！」那又為何轉軚？陶傑擺肥佬黎上枱：「我見到你搞《動新聞》，文字衰落吖嘛！畀你講兩講我都驚！」
陶傑笑指寫專欄、開咪隨時會被淘汰，生活無保障，說時又擺肥佬黎上枱：「你唔怕有一日電話到收你皮咩（望着肥佬黎）？好難講嘛，市場決定。」肥佬黎感冤枉，無奈的說：「你條友作嘢作得好緊要！繼續作吖！」陶傑終和盤托出做導演因由，原來當初有朋友寫了關於人妖的三角戀劇本，叫他修改，於是他改成三條線，得到老闆支持開戲，但指名要他執導，陶傑說：「係都要我落鑊，咁我冇得走啦！」
放下身段谷戲
亦相對繁複。陶傑遇到的最大困難便是剪接，因為就算寫劇本時天花龍鳳，在現場拍攝覺得沒問題，但到試片間放映時便發覺不是那回事，陶傑說：「前後一拼，唔要得，覺得好仆街，直情見到憎。」他以男人召妓為比喻（強調自己沒試過）：「叫嗰陣時好過癮，一完咗直情憎，想踢佢落床！」陶傑放下才子身段，當自己是ＭＫ仔，親自剪走不少鏡頭：「我坐低睇唔明就嗌剪，啲副導同剪接有少少黑面，話唔得喎陶傑你才子嚟㗎，要表達哲理。我就笑笑口，你又想害我呀？」
拍文藝片從來難度甚高，就算大師級也會葬身火海，陶傑認為這部電影唯一出路是「本土」掛帥，他說：「我將個心攞出嚟，拍番套香港人希望感受得到嘅電影。」肥佬黎問他可有考慮過內地13億市場？陶傑自問沒能力賺人民幣：「呢套一定過唔到大陸，因為犯晒天條，啲錢你賺唔到，就無謂性幻想啦！」陶傑又呼籲讀者購票入場，當慰勞他多年揸筆及開咪：「我用口舌同手去服務社會，咁你畀番70蚊我使得唔得呀大佬！回饋番我得唔得呀？」
執導床戲教路
羅霖在戲中有大膽演出，更與關楚耀大戰連場。肥佬黎好奇問陶傑為何會選用上了年紀的羅霖？陶傑發揮其嬉皮笑臉本色：「大佬你十六、十七歲睇鹹濕雜誌，個個都大過你一截啦！」而事實證明陶傑眼光獨到，因羅霖與關楚耀的色慾劇照一出，即引來熱烈迴響，羅霖更獲封「高登女神」，證明魅力依然。陶傑補充：「同埋驗過晒全部係真喎！」肥佬黎反應快：「你驗過呀？」陶傑沒好氣的答：「用個鏡！打吓燈呀，啲微粒一出，邊度有痕就冇得走雞嘅！」
羅霖現場踢爆陶傑的糗事：「佢去到別墅，見到個浴缸好靚，話加番場出浴戲先！」肥佬黎指着陶傑說：「喂你早有預謀嘛！」陶傑卻直認不諱：「梗係㗎啦，賣落火坑係咁㗎啦！狄娜當年都俾李翰祥呃啦！」
羅霖三番四次強調信錯陶傑，陶傑即反咬對方一口，兩人你一言我一語，針鋒相對，陶傑說：「我都有犧牲㗎，我係咪教埋你做戲先？床戲你唔識我係咪教埋你先？」肥佬黎插嘴：「點解你識呢？」陶傑答：「睇都睇得多啦，九龍城寨都睇過啦！」陶傑對做導演見過鬼怕黑：「呢部之後N年都唔會再拍，賣座都唔拍。」肥佬黎問陶傑可有試過在片場發脾氣？陶傑作無辜狀：「點敢呀，只有𠼮契弟啫，同製片講高抬貴手吖，死梗㗎，我個衰名印上去㗎！」肥佬黎見言語間鬥不過陶傑，只有佩服他：「陶傑你真真假假都好，我哋都覺得好有娛樂性。」陶傑又回敬一句：「我對住燈火講，喺你老哥面前，我點敢！仲有呢個（指着蔡瀾）！」
擺肥佬黎上枱
影圈常流傳一些潛規則，肥佬黎問陶傑會否安排明星出席富豪飯局，陶傑又再擺他上枱：「除非搵肥佬黎食飯！」肥佬黎口震震說：「喂，你唔好亂噏喎！唔係我呀！」陶傑回復正經，繼續硬銷其電影有何優勝之處，就是能用鏡頭和說故事方式表達色情意識，他說：「譬如偷窺，見到羅霖肉體橫陳，海棠春睡咁。用聯想嘛，偷食就係偷與未偷到之間。」肥佬黎還擊：「如果你教鹹濕佬，你就一定教得叻！」陶傑睥着肥佬黎說：「你都好識踩人喎，黎生！」
肥佬黎預測這部《愛．尋．迷》一定賣座，更對鏡頭說：「呢套戲一定掂，肥佬黎endorse！」陶傑卻認為電影全賴羅霖和盛朗熙等演員付出，他只佔皮毛。肥佬黎取笑他：「你係咪諗住套戲唔得先至咁謙呀？」被識破的陶傑苦笑說：「咁都踢爆，大佬留番兩分面啦！」
服裝:ANTEPRIMA
陶傑變陣拍片 幫港人向壓力宣戰
http://bit.ly/talk243601
粗暴打壓成風 傳媒人自求多福
http://bit.ly/talk243602
連底褲都要除埋？ 羅霖信錯陶傑
http://bit.ly/talk243603
導演臨場加戲 女星似被賣落火坑
http://bit.ly/talk243604
拍床戲益男角定女角？關楚耀對住羅霖著晒火
http://bit.ly/talk243605
50歲失婚婦 自力更生遭歧視？
http://bit.ly/talk243606
廁紙包頭真有其事？才子被問到口啞啞
http://bit.ly/talk243607
50歲總結經驗 男人鍾意咩女人？
http://bit.ly/talk243608
偷食不如偷不到 唔鹹唔淡最誘人
http://bit.ly/talk243609
男女缺乏溝通 乜都講錢冇陰功
http://bit.ly/talk243610