去年10月，「一男子」否決香港電視免費電視牌照申請，激起民憤。原來唔止普羅市民唔like一男子，政府諮詢組織都想除之而後快。話說最低工資委員會噚日開會，委員會過去一直都標榜以數據為依歸，每次見記者、出新聞稿甚至內部文件，都聲稱會考慮「一籃子」指標調整最低工資，點知「一籃子」噚日突然消失咗，文件統統改用「一系列」，聞說好多委員開會，見到「一籃子」失蹤，都忍唔住笑咗出嚟，但大家好識做，冇追問「一籃子」嘅去向，可能大家其實對一男子都冇乜好感，想佢早走早着。