錢小豪、童愛玲及冼色麗等昨日在中環出席港台劇開鏡儀式，梁榮忠更首次為電視劇執導。錢小豪透露劇中與冼色麗演兩父女，當中會有衝突，問現實中會否與囝囝吵架？他說：「唔會，佢𠵱家11歲開始發育，變緊聲、生鬍鬚，不過跳舞好型、好叻，都有好多女仔朋友。」他又笑言囝囝已有固定女友，兩人齊齊去補習社，不過他指囝囝嫌女朋友仔奄尖。問他怕不怕囝囝早拍拖，小豪謂：「我好open，係好朋友嗰種嘢，唔係大人嗰啲咁複雜。」
童愛玲表示10歲大囝囝不慣她拍劇，又辛苦要囝囝提早完成整個星期的功課：「我驚冇人睇佢功課，逼佢要做晒先，我先可以開工，佢都有少少埋怨我。」她又指囝囝想探班，但因為怕醜，應該不會做幕前演出。
採訪：盧妹
攝影：陳慧安