嚟緊星期日係南區區議會海怡西補選，填補馮煒光做咗「白宮發言人」後嘅空缺，由人力袁彌明、民主黨單仲偕同新民黨陳家珮爭凳仔。袁彌明同八方講，陳家珮以海怡居民自居，但海怡西嘅選民登記冊冇佢個名；八方問過新民黨主席葉劉淑儀，葉劉承認陳家珮本身家住山頂，半年前搬去海怡西。半年前？咪即係啱啱爆出馮煒光會做官會辭議員嘅時候囉？點解陳家珮咁啱喺呢個時候先搬入海怡呢？八方唔敢話係咪純粹為選票呀，但相信香港人，你懂的。
今次選舉各界都睇好陳家珮較有勝算，事關喺兩位泛民對一位建制對手下，按上次投票結果，除非有新票源，否則泛民好難贏咯。