被認定係官場叻仔嘅競爭事務委員會秘書長應耀康Stanley，下月2號有新job，佢會接替即將退休嘅栢志高，任運輸及房屋局常任秘書長（房屋）兼房屋署署長。現年53歲嘅Stanley，喺1983年8月加入政務職系，曾經做過保安局常任秘書長，以及財經事務及庫務局常任秘書長（庫務）等職位。除咗以叻仔聞名，煙癮大亦係佢嘅style。至於栢志高，查實佢都喺政府服務咗32年，近年雖然捲入安排煲呔晤教宗嘅風波，但最終都無風無浪退休去，鄧國威大讚佢盡忠職守。