內地文章好多時同一篇報道，會由唔同內地網站，轉載完之後再轉載。如果單料係錯嘅話，咁就會全部都一齊錯。
好似網上就一直流傳一張應采兒同佢所謂「媽咪」嘅合照，但呢張「母女」合照，嗰個根本唔係應采兒媽咪囉，而係早就追出娛圈嘅歌手蔡安蕎。
應采兒亦不下一次澄清，相中佢身邊嗰個係蔡安蕎，唔係應媽媽，去年初佢已經講過一次喇，噚日又要再寫一次，仲附送埋「正版」應媽媽相片一張。事關「蔡安蕎係應采兒阿媽」報道又再「投胎轉世還陽」。
講開蔡安蕎，佢多年前加入樂壇，出過碟，拍過劇同電影，可惜兜轉多年，星運仍然黯淡。04年淡出娛樂圈，去澳洲升讀工商管理學士課程，再回流香港大展拳腳。06年改埋名叫蔡依韻，曾經以光大證券副總裁身份喺多份報章寫財經專欄。當年佢嘅32C陽光女造型，都謀殺過不少男fans。
講到畀人「誤會」係另一個人嘅，最近仲有張繼聰，有眼利嘅網民就發現佢同一個喺《幽遊白書》入面嘅卡通人物撞樣，咁睇嚟如果拍真人版，可以搵阿聰做呢個角色喎！