立法會足球隊今年同波似乎冇乜緣；原定四場球賽，至今只係踢得一場，其餘三場有兩場已經因事取消，仲有最後一場係對政府人員，但都好大暗湧，最終可能因為財政預算案拉布而凍過水。有立法會波牛噚日同八方大呻，原本4月12日立法會足球隊會迎戰醫管局，點知因為突然有上海之行要取消。有建制派議員就話呀，佢哋此行都係做泛民「佈景板」箒，因為咁搞到踢唔成波，好冇癮。