趁住諮詢期5月初結束前，政改三人組繼續四出硬銷。原來喺走訪各大政黨、商會同各式組織同團體後，三人組開始殺入學校，政制及內地事務局局長譚志源今日去到南區嘅新會商會陳白沙紀念中學，為學生同家長舉行政改座談會，教育局副局長楊潤雄都會陪住去學校做佈景板。
據聞呢個論壇為時個半鐘，仲有答問環節。有線人報料，學校近千名師生屆時仲會「一人一意見」，向譚志源交意見咭。
據知南區家長教師會聯會、南區中小學學生、校友同家長都係座上客。八方聽聞，林鄭遲吓都會去學校sell政改，而三人組嘅宣傳gimmick嘢，下月陸續有嚟。