立法會噚日有新保安安排，旁聽或出席會議表達意見嘅公眾人士一律要登記身份證資料。八方現場所見，普遍市民都好合作，有旁聽市民話手續唔繁複，但質疑有乜嘢實際作用？而立法會秘書處會依照私隱條例，即日銷毀登記嘅相關資料。
查實講到進入議會嘅保安嚴謹度，香港立法會算係好小兒科。據聞曾鈺成去年中以立法會主席身份拜訪英國國會時，就算係貴賓，由下議院議長至各主要領袖都接見佢，但去到國會一樣冇面畀，連同阿曾在內嘅立法會秘書處一行人都要接受安檢、甚至要出示埋護照核實身份；而喺國會開會及食飯，更加要攞唔同嘅證件，反恐大過天呀。