證監會舊年底新設企業規管專責小組，打算主動出擊，定期審視上市公司嘅賬目同埋通告，睇下當中會唔會隱藏問題。證監會主席唐家成透露，呢個小組𠵱家已經有十幾人，上月更請來做過外國監管機構高層嘅Michael Duignan任高級董事，掌管呢個小組。
對於呢個小組嘅具體工作情況，唐家成大賣關子，指小組嘅同事正在籌劃當中，諗緊主題，睇緊應該留意嘅範疇，目標當然係保障投資者利益，提高企業透明度。證監會亦已經請到Michael Duignan掌管呢個小組，佢啱啱喺上個月返工。
53歲嘅Michael Duignan好有監管市場嘅經驗，根據資料，佢曾經喺英國金融管理服務局（FSA）工作八年，之後喺愛爾蘭交易所擔任市場監察部主管，再去馬爾他金融服務局任證券及市場規管部董事。