隔牆有耳：
唐唐捐酒賀公民黨慶 - 李八方

2006年成立嘅公民黨今年8歲咯。一如往年，佢哋今年都會搞黨慶晚會兼籌款，4月11日晚、即係立法會議員出發去上海前，喺尖沙嘴龍堡國際酒店舉行。八方聽聞，公民黨陸續掹緊各界人士贊助幫補吓，前政務司司長兼政協常委唐英年好有心，雖然當晚人唔到，但都答應捐酒畀佢哋拍賣；據知亦有人會捐出名牌手袋籌款。

八方聽聞，公民黨準備緊當晚嘅表演環節，希望大家盡興而歸，唔少得嘅就梗係陳淑莊Tanya嘅棟篤笑啦，相信屆時佢都會論盡時事。大會主持就由公民黨生力軍擔大旗，大狀楊岳橋同飛機師譚文豪都係大熱之選。