【動Fun】談起傅嘉莉（Kelly），很多人對她的印象是模特兒、演員、美貌與智慧兼備的藝人。但日常生活中的她，又會是怎樣？
最愛．．．「他守時」
Kelly自言是位守時的女生，所以亦不喜歡另一半遲到，「如果男朋友遲到，我真係會嬲㗎！因為咁會令我覺得佢好無責任感。」
最愛．．．「美味時刻」
遇着別人遲到，會使得Kelly生氣，但只要能簡單的大快朵頤，已足夠成為她心情好轉的理由，「唔開心嗰陣，食嘢就係最有效嘅靈丹妙藥囉！」而《食通天》便是Kelly最常選擇開餐的地方。
對食物的喜愛程度，更直教她自封「為食女友」，「拍拖食飯我都會鍾意揀日本菜，貪佢細細碟，可以食好多份，啱晒最為食嘅我！」
最愛．．．「看戲偷師」
近年在大銀幕上的演出機會，亦令她於日常生活中離不開電影，「我知道一部電影嘅誕生係一啲都唔容易，所以我好尊重每一個製作單位，我自己好鍾意睇戲，亦好鍾意睇其他演員點樣做戲，從中學嘢吖嘛。」
最愛．．．「對自己好啲」
縱使她是多麼的與別不同，也無可否定女人的天性－購物，「平時工作已經咁大壓力喎，行吓街睇吓嘢都可以輕鬆吓，又或者可以買吓嘢獎勵自己！」Kelly表示閒時最愛到銅鑼灣時代廣場，因為那裏應有盡有，可以一站式購物。
Kelly 表示，接下來將會挑戰更多不同的角色，希望會得到大家的支持！
想知更多新奇趣聞，記得留意【動Fun】
http://hk.apple.nextmedia.com/livestream/channel/actionfun