噚晚喺灣仔修頓室內場舉行嘅高級組銀牌籃球賽，南華喺4強勝方對飛鷹，主將譚偉洋（左）俾對手撞傷鼻同埋腰，要送去律敦治醫院治理，好彩無乜大礙；最後力爭衞冕嘅南華順利以86:53勝出，阿洋受傷都抵番晒啦。至於另一場4強勝方賽事，永倫喺加拿大裔超班戰將泰那坐鎮下，輕鬆以79:54擊敗福建，下個禮拜會同南華爭晉級。