利物浦今季打得好,連帶領隊羅渣士(圖)都變搶手貨,聽聞巴塞隆拿計劃今夏撬佢過檔。紅軍隊長謝拉特見勢色唔對,開口叫班高層做嘢,謝四:「我希望喺波士頓班老細,可以盡快同羅渣士續約。羅渣士同球會好夾,值得攞到份長約。」另外,今年4月15號係希斯布祿球場慘劇25周年,利物浦呼籲全球粉絲捐出會方嘅頸巾,等佢哋到時可以喺晏菲路砌出96呢個數字,悼念嗰96位死難者。