隔牆有耳：
Miss Mo提新聞自由痛哭 - 李八方

公民黨主席余若薇1月出席港大論壇時，因為感觸中共重判溫和派維權律師許志永入獄四年，即場對住學生哽咽落淚後，佢嘅黨友毛孟靜Miss Mo噚日出席港大論壇，講起新聞自由近月頻頻受打壓時，亦突然「嚎哭」。

Miss Mo喊到雙手掩面不特止，仲一度要攞手袋暫時離座，收拾同整理吓心情。
八方事後問返Miss Mo點解喊到咁慘？佢話由於諗起一位大學傳理系學生畀佢嘅私人message。
個學生講到畢業做記者後，經常面對政治審查，包括問咗民主派反應後唔出得街、左派求其講兩句就成為新聞標題等，令佢覺得現時讀傳理系嘅同學仔真係好慘，「簡直係人格受侮辱」，因而感觸落淚。