雖然我是運動員，但講起足球，跟大部份女孩子差不多，都是由追球星開始。我初中已開始睇波，那時雖讀女校，但有數個同學仔喜歡看英超，她們都支持曼聯及「萬人迷」碧咸，我亦被感染了，同樣迷上曼聯；這支球隊球星多、靚仔多，那時我選擇追捧蘇斯克查，原因是並沒有太多同學喜歡他，反而覺得特別。
要我花90分鐘去睇一場波，其實頗奢侈；我每天要練習，又要工作，連休息時間都不夠，要捱更抵夜睇波，翌日一定影響工作及訓練，所以我多數看精華，但重要關頭時，必睇直播。記得2004年歐國盃決賽葡萄牙對希臘，我心血來潮約了女同學半夜去茶餐廳睇直播；那時餐廳4人枱要坐6至8人，邊食雲吞麫邊睇波，好有香港風味，值得推廣。
今年世界盃預計4強後會坐定定欣賞，尤其兩年多後的奧運都在巴西舉行，我亦會參加屆時的殘奧，所以也想多留意這個主辦國。今屆決賽我想看巴西對意大利，看老將鋼門保方如何撲救巴西年輕前鋒尼馬的射門；至於冠軍，我希望是巴西。