歌神許冠傑（Sam）和漫畫界畫神馬榮成（馬Sir），將首度攜手合作，馬Sir除為阿Sam下月18至20日紅館舉行的「What a Wonderful World」個唱擔任舞台設計，以其經典漫畫《風雲》主角作舞台台面外，他還會將阿Sam繪畫成漫畫人物，與漫畫版馬Sir在個唱「香港回憶」環節短片中，穿梭舊啟德機場搬遷及九龍城寨清拆等不同歷史變遷。個唱序幕中，聶風、無名和步驚雲三位《風雲》人物將會首先現身，繼而阿Sam從天而降，官恩娜亦會化身漫畫女主角演出歌舞。
前日阿Sam和馬Sir在觀塘開會及首次見面，二人惺惺相惜。原來今次合作是個唱製作總監蕭潮順促成，他跟馬Sir租用觀塘同一大廈，馬Sir因租務問題向蕭仔請教，蕭仔趁機力邀合作。
化港人怨氣
阿Sam前日興奮說：「不嬲好欣賞馬榮成，今次演唱會想搵啲突破，主題係世界多美好，想畫啲天馬行空、浪漫同科幻啲畫面，所以邀請佢出山。香港𠵱家怨氣好重，希望個騷帶歡樂同正能量畀觀眾。我仲會同新抱（懷谷太太）合唱《無敵是愛》，全家出動。」問馬Sir是否已封筆？他說：「其實未封晒，做到今年年底就完，一個作品去到某個地步始終會完，完咗後唔會作定期寫作，唔想為商業畫漫畫。今次同阿Sam合作實在好玩，我同佢都係70、80年代開始到𠵱家，我對阿Sam嘅歌好認識，雖然好忙，但都一口答應，希望留個美好回憶。」
此外，據製作單位透露，阿Sam個唱在沒有多大宣傳下已賣出近九成門票，對成績感到滿意。
採訪：張俊銘
攝影：陳順禎