之前捲入販毒醜聞嘅泰利老竇泰迪泰利(右)又醒單好嘢個仔嘆。事緣去年3月22日,現年59歲嘅泰迪喺間酒吧門口,問個亞裔鐵路工人攞煙食,對方話冇煙,佢就用帶有種族歧視嘅字眼鬧對方,仲用頭撞人;泰迪喺周一出庭否認指控。車路士隊長泰利兩老出名麻煩,阿爸唔生性,阿媽蘇珊都試過喺百貨公司偷嘢,總之鑊鑊新鮮鑊鑊甘。泰利𠵱家幫車仔爭緊英超,希望佢老竇單官司唔會影響到佢啦。