點解由愛國愛港賢達領導嘅特區政府，經常被人批評與民為敵？係有根據㗎。例如港視單嘢，上年10月有12萬人包圍政府總部，要求政府向港視發牌。facebook嘅「萬人齊撐!!!快發牌比（俾）香港電視!!!」群組更加有45萬網民加入，但係政府偏偏連港視變身流動電視都要狙擊，搞到王維基開台無期。
講番個facebook Page，港視個群組原來喺本地fans人數排名中佔第五位，fans人數比Candy Crush Saga只係少大約兩千。喺前50排名裏面，仲有香港蘋果日報群組、神魔之塔，同埋「為菲律賓被挾持本港康泰旅行團死難者默哀，仍生環（還）的祈禱」等。