黃秋生歡迎被集郵

黃秋生歡迎被集郵

【銅鑼灣】近日同杜汶澤罵戰嘅黃秋生,難得避開呢啲是是非非,前日抽空同女助手到銅鑼灣時代廣場行街,見佢位女助手已經攞住喺city'super買嘅戰利品,唔知秋生係咪諗住之後返屋企下廚呢?跟住見秋生上咗樓上幾間男裝店度行,不過佢喺每間店都只逗留幾分鐘就閃走,似乎睇唔啱心水服飾喎。準備離開時有男fans要求同秋生合照,佢一口答應,態度親切唔似平時畀人嗰種咁惡嘅印象。
採訪、攝影:梁繼光