股評人胡孟青（青姐）冧莊，成為大家樂（341）新一輯廣告嘅代言人，廣告本月底出街。大家樂業務總經理羅碧靈（羅開光家姐）對青姐讚不絕口，指「青姐係股評人，所以好叻分析邊樣嘢有價值，加上佢形象誠懇、可靠同健康，仲係入得屋嘅媽咪，最緊要就係同大家樂嘅品牌形象夾。」兜個圈又讚番自己，認真厲害！
青姐早前預告，新廣告會好爆同好搶。羅碧靈透露，新廣告主要sell物有所值嘅概念，由舊年開始一直都係講緊呢個訊息，覺得青姐傳遞得非常之好，所以搵番佢做代言人就會有累積效應咁話。
至於代言人費用，都係例牌唔透露，淨係話雙方都滿意，唔知個價係咪都係咁「物有所值」呢？