范徐大媽，擲地有聲，到底誰人不想香港有普選？
不是尋找失聯馬航的去向，唔使美國插手，最有可能者，詳列如下：
一，所有大媽們。今日大把記者團團圍住追訪，假如落實普選，鎂燈轉向，大媽們張大嘴大喊都冇人睬，寂寞難耐啊。
二，為了廿五萬推廣基本法的地區肥肉，打崩頭趕記者走叫警察抬走議員的區議會主席。普選只會令人關心政治，牛咁眼監視區會撥款，自己友再難益自己友。
三，一哥。只要一日冇普選，個個星期日都有遊行，處理遊行人士，隨時用胡椒噴霧遠比捉拿斬劉進圖的幕後黑手容易。少做少錯嘛。
四，西環老闆。你懂的！
五，富二代。普選跟新聞自由有什麼關係！普選跟安定繁榮有什麼關係！普選跟我老竇姓梁有什麼關係！lol！
六，愛字頭。媽的，我冇得撈了！普選可以當飯食咩！