黃子華講過，如果一個人可以單人匹馬，唔帶任何保鑣，走入任何一條公共屋邨，又可以行返出嚟，佢就可以連任特首㗎喇！狼英自上任以嚟，去馬場、去倒數、連睇演唱會都俾人噓，返屋企「禮賓府」，都俾市民用粗口問候，佢老哥近日就俾網民影到喺沙田新城市廣場一期明珠閣食晚飯（圖）。相片所見得狼英一人，但枱面上放咗兩杯茶，唔知佢係咪等緊人食飯呢？
呢張相喺網上一出，即有沙田居民質疑，新城市廣場一早俾自由行攻陷咗啦，本區居民等到餓死都未有位食飯，點解狼英可以有位坐低？亦有網民叫佢「請你不要來沙田！唔該！」睇嚟，嗰晚如果多啲人發現狼英，佢未必可以食到餐安樂茶飯。