王喜餐廳打躉冇插嘴

王喜餐廳打躉冇插嘴

【大坑】𠵱家好少喺幕前見到嘅王喜,如果大家想見吓佢真人都唔係冇辦法,因為王喜成日喺大坑一間叫私房蔡嘅餐廳出現,唔知間舖係咪佢有份,定係朋友開成日去撐場呢?日前又見王喜同一男一女喺舖內食嘢,其中有位後生仔同王喜剪埋幾乎一樣嘅髮型,由後面睇一時間真係好難分辨。現場見着住大口仔外套嘅王喜,大部份時間都冇乜插嘴,反而係兩個朋友喺度吹水,估唔到平時好多偉論嘅佢都有靜嘅一面。
採訪、攝影:梁繼光、羅德光