拉到人，一哥第一時間定案：跟新聞自由沒直接證據，沒直接關係。市民自告奮勇，重組案件，得出不言而喻的推論：
一，刀手招認，唔識劉進圖，還一度以為斬咗王維基！
二，落網者招供，根本唔睇新聞！一直以為「明報」是明日天氣報告的簡稱！
三，刀手表白，出招是受老闆委託。邊位老闆？阿sir，係人都知，今時今日，西環話事！
四，刀手落口供時一再表態：「我討厭政治！」所以，點會辣新聞界？
五，警方問過黑道，斬新聞界要幾多錢。金毛答：新聞自由好貴，斬唔起！曾偉雄計過條數，認為三四十萬冇可能夠斬六刀，冇黑社肯咁蝕底。
六，曾偉雄親自審問過刀手，你知唔知乜嘢係新聞自由？答案是：「×你，問689啦！」
七，為了進一步確認，曾偉雄盤問刀手，心目中最想斬的人，是誰。對方直接回應：「斬你老母！」see，證據確鑿，跟新聞自由有什麼關係！