諸葛紫岐（Marie）去年11月為Neway二少薛嘉麟生了囝囝「冰岐麟」Arthur，昨晚夫婦二人在金鐘香格里拉酒店為兒子擺百日宴，筵開20多席，張智霖、文詠珊（Janice Man）和陳曉東等均有到賀。百日宴沒有特別主題，主要以舒適為主，全場以粉色氣球佈置，Marie設計了馬卡龍擺設送給賓客。
問准兒子再生
Marie與夫婿6時許坐七人車抵達酒店，薛嘉麟心情大靚，拖着太太大晒恩愛，Marie左手無名指更戴着約5卡巨型鑽戒，但不見小Arthur，問他們BB在哪裏？薛嘉麟風趣地說：「佢自己嚟，佢大個仔。」再問二人囝囝的中文名，他說：「有名㗎啦，你哋叫住BB先，佢嚟到自己答。」他更大讚Marie比生之前還弗。二人又指囝囝活潑，薛嘉麟說：「佢乜都想聽，乜都想睇，講故事佢聽，佢會望住，覺得佢識聽。我盡量都畀多啲時間佢，媽咪啲時間就畀晒佢。」會否追多個？他說：「要問我個仔想唔想要細佬妹，我唔係自私嘅人。」
JM約友冇霆鋒
剛從巴黎返港的Janice Man，笑言已叉足電，問到在巴黎有否跟霆鋒見面？她說：「冇喎，一直做嘢，之後留咗幾日約啲朋友玩。」張智霖代表一家送上BB床上用品作禮物，他說：「初初諗住畀利是，但覺得應該花啲心思，希望BB身體健康，得到溫暖。」
採訪：林嘉慈
攝影：仇志德
