【本報訊】涉事中轉屋單位昨凌晨起火後，附近約50名居民一度緊急疏散。但有居民投訴，指大廈管理員在消防員到場前，沒有拖喉救火，置居民生死於不顧。
街坊對慘劇亦議論紛紛，當中有人投訴：「當時警鐘響個不停，同管理員講火燭，佢只係話已經報咗警。報警還報警吖，都要拖喉㗎，點解連消防喉都唔拉？射少少水係咪唔得先？都唔知點做管理員！」
大火發生後，約50名受影響居民獲安置到元朗大會堂過夜。部份居民昨午在大廈解封後，一度返回受火警波及的寓所查看。其中，居於起火單位下層附近單位的戶主劉太訴苦說：「天花都塌晒，水浸晒張床。」她指在火警時只能在家中拾回銀包及電話迅速逃生，晚上或需帶着年幼兒子，投靠親友家暫住。