馮仁昭四圍超：阿澤好艷福　性感魔女團團轉 - 馮仁昭

馮仁昭四圍超：
阿澤好艷福　性感魔女團團轉 - 馮仁昭

杜汶澤真係好艷福，兩部即將上映嘅電影《黑色喜劇》同《3D豪情》都有份演出。阿澤喺《黑色喜劇》同詹瑞文分別飾演魔鬼同天使，有班性感小魔女團團轉，除咗「寸嘴Barbie」夏尉喻幫佢喺鬧市洗白白，仲有41吋長腿嘅周麗欣（Doris）喺佢幻想世界中跳綱管舞，仲喺柱上倒轉劈腿，佢噚日喺電話話﹕「我係魯芬BB靚版化身，本身有學跳舞，導演叫我free style跳，一take搞掂。」

Barbie被台灣傳媒封做「香港奶神」，喺鬧市幫阿澤沖涼，引來途人圍觀。

文凱玲怕甩毛巾

另一場火辣戲落喺文凱玲（Connie），佢同古明華、王祖藍及不同國籍猛男一齊開睡衣派對，沖涼後披條大毛巾即出廳玩到癲，Connie話：「掟枕頭同互扯孖煙囱同Bra，我冇打底，好驚畀人扯甩條毛巾。」阿澤喺《3D豪情》同好多AV女肉搏，其中一場誤入女性專用車廂，結果被42L嘅「人間胸器」沖田杏梨上下其手，原來沖田考獲8級鋼琴，阿澤問佢點解做AV女優，佢答：「有好身材唔拍AV有點浪費。」果然「乳」出驚人！
撰文：馮仁昭

文凱玲同一眾着內衣褲嘅男女開睡衣派對。

周麗欣飾演魯芬BB嘅魔鬼分身，大跳鋼管舞。