英國桌球名將「火箭」奧蘇利雲（右）雖然好波，但一向麻煩多多，而最近佢嘅17歲私生女泰萊（小圖）就話由於火箭多年嚟都唔理佢同佢媽媽莎莉，所以決定同奧蘇斷絕父女關係。泰萊話喺佢出世以嚟嘅17年間，同奧蘇只係見過面7次咁大把，而且奧蘇仲次次都開空頭支票，答應咗佢嘅嘢之後就冇影；泰萊話佢已經受夠，所以以後都唔再需要呢位爸爸。