【亂噏24】陶傑首執導筒拍攝的電影《愛．尋．迷》將於下月上映，他早前帶同索爆熟女羅霖和靚女新人盛朗熙擔任《亂噏24》嘉賓，跟黎智英和蔡瀾亂噏一餐。貴為香江第一才子，陶傑將辛辣文字轉化語言，跟肥佬黎針鋒相對，卻被對方暗過一戙，重提「廁紙包頭」的都市傳說。
互嚇火起
其時陶傑提到做人要有底線，就算有人給他十億，要他將希特拉寫成大英雄，殺猶太人是對的，他也做不出來，他說：「有報應㗎！」肥佬黎本想問陶傑的底線在哪，卻突然提起04年有報道指陶傑用「廁紙包頭」離開九龍塘時鐘酒店的傳聞，令才子稍佔下風。
陶傑搬出高登仔名言「冇圖冇真相」還擊：「第一，張相喺邊度？第二，包得嚟都盲舂舂，狗仔隊企定定都影到我十幾張吖，喂冇相喎！」豈料肥佬黎嚇唬他：「喂我睇過張相呀，你想唔想我再登呀？」陶傑未有懼色：「登吖，如果有嘅你登！」火藥味濃郁。欲知後事如何，記緊留意今日起至周五，在《蘋果動新聞》網頁播放的《亂噏24》，亦可登入 http://bit.ly/appletalk24重溫，足本版於周四晚11時播出。
撰文：馮國康