現年50歲的譚玉瑛主持兒童節目32年，雖然被視為兒童節目icon，但仍不敵時代衝擊，遭無綫摒棄。據悉無綫一方面叫譚玉瑛由主持變顧問，但另方面卻遲遲不跟本月底約滿的她傾約，採拖字訣讓她約滿「自然流失」。
消息曝光後，引來各界關注及網民不滿，就連昨日立法會資訊科技及廣播事務委員會舉行會議討論無綫、亞視續牌事宜期間，也有與會團體向無綫執行董事兼集團總經理李寶安提出：「你炒譚玉瑛嘅話，所有70、80、90後都會衝入無綫，李寶安你做乜搞譚玉瑛？」李寶安聞言即發火反駁說：「小心你嘅言辭，搞呢個字好敏感，絕對冇搞過同事，同事工作分配，係有公司固定規則，我哋一定係按住規則而行，我哋冇搞佢，特別我冇搞佢。」至於國際關係學者沈旭暉昨日亦就譚玉瑛被踢出局一事在facebook說：「想暴動咩？」
不少網民力撐譚玉瑛，甚至有網民揚言一人一信要求譚玉瑛留低。對於獲網民力撐，昨返無綫錄影《放學ICU》的譚玉瑛僅以WhatsApp回覆說：「錄影中冇特別，多謝關心。」
採訪：黃曉妍
攝影：仇志德