港視開台困難重重，劇集停拍，藝員亦不再續約，一班過檔港視的藝人，無不情緒低落，鬱鬱不得志。在港視宣佈延期開台當日，姜文杰在微博上載了一幅全黑畫面，表達心中不快，昨日姜文杰到九展欣賞KILLERSOAP演唱會時，自爆要借酒澆愁。
姜文杰現身KILLERSOAP演唱會時，面色泛紅，他說：「心情好沉重，頭先喺屋企飲咗威士忌，好唔開心，前兩日打擊好大，之前有啲新希望，𠵱家件事搞成咁，冇得拍劇將來唔知點算好，再撐唔到我嘅音樂，《天網》唔開收到消息，套劇我哋好畀心機做，不過都會支持公司決定，不過，到𠵱家公司未同我傾任何嘢。」
港視發牌被政府再三阻攔，姜文杰直認感覺被戲弄，他說：「香港喺電視界退步，外國好多電視台有好多個台。我𠵱家仲有糧出，經濟暫時冇問題，但係覺得好大壓力，如果公司預早停止合約，我願意同舟共濟。」
柏宇續拍港視劇集
另一個港視合約藝人黃芷晴和曾拍過港視劇的廖碧兒（Bernice）前晚在跑馬地出席BMW派對。黃芷晴表示跟爸爸黃日華會一直支持王維基，她說：「我同港視仲有年幾合約，公司幫我接好多活動，嚟緊亦會返內地拍戲。公司冇同我提過減薪，自己亦未諗完約之後嘅打算。」另外，對繼嫲劉女士發聲明一事，芷晴不欲多言。低胸性感打扮的Bernice之前為港視拍歌舞劇，對於港視開台無期，她感到可惜，因為每個藝人都想多個平台。另外，Bernice早前擔任嚴浩養生節目，到養蜂場徒手拿蜂巢板。
陳柏宇前晚出席九展電影《KANO》宣傳活動時，表示仍為港視拍攝《大眾情性》，他說：「今日都仲拍緊，不過我同香港電視係部頭合約。如果套劇唔播都冇計，船到橋頭自然直。」
採訪：王連連、文國駿
攝影：陳順禎
