內地女星「風信子」𠵱家大部份時間都住喺香港，因為佢嘅健康好差，而北京嘅空氣又實在太差，長期落去，對佢嘅身體肯定更加唔好，所以除咗工作必須返內地之外，佢都寧願住喺香港。
心理壓力
白白大導前妻「Susan」同風信子都幾老友，一直都有介紹醫生畀佢睇，不過睇極都冇乜進展，後來有醫生同佢講，叫佢轉睇精神科醫生，佢嘅問題主要係因為受心理壓力，影響到荷爾蒙分泌，先至會令到佢周身唔舒服，所以勸佢先醫好心理障礙。
聽講風信子因為感情一直唔如意，每一段感情都令佢受到傷害，所以意氣難平，相信要等到新對象出現，佢先至會好得番喇！
撰文：關仁