阿仙奴中鋒基奧特近期醜聞多多，先有賽前偷食，再有約球迷玩3P，搞到形象差晒，神憎鬼厭，連球隊個正選位都唔穩陣，有時仲俾小將耶耶辛洛高搶埋。見到呢排咁運滯，基奧特可能都想離隊，轉換吓環境。英國傳媒影到基奧特（右）同著名足球經理人奧斯根食飯，估計佢想搵吓有冇好路數。奧斯根同巴黎聖日耳門背後嘅卡塔爾財團好熟，唔通基奧特想搭路入「門」？